Nagdangat na sa 59 ang patay kag 155 ang nasamaran sa sunog nga nagluntad sa isa ka nightclub sa North Macedonia.
Natabo ini sang Domingo sang kaagahon sang nagtipon ang ginatos ka mga tawo sa ‘Pulse’ nightclub sa town sang Kochani sa east sang capital nga Skopje agud maglantaw sang performance sang isa ka local act nga DNK.
Ginapahayag nga pila ka mga miyembro sang banda ang nalakip sa mga napatay lakip na ang lead singer nga si Andrej Gjorgieski.
Base sa head sang ospital nga gindal-an sa mga biktima, yara sa 16-24 anyos ang edad sang nagkalamatay.
Base sa inisyal nga statement sang interior minister, natabo ang sunog bangud sa pyrotechnics nga gingamit para sa lighting effects sa concert.
Nakaangkon naman sang second-degree burns ang iban sa ila nga nawong, samtang ang 27 naman nga may pinakamalala nga injuries ang gindala gid sa iban nga pungsod.
Gin-detain namanang tag-iya sang nightclub amo man ang tanan nga involved sa trahedya.
