ILOILO CITY – Nakahimo naman sang record ang West Visayas State University (WVSU) Main Campus matapos masobra 50% sang ila mga graduates ang lunsay may ‘Laude’ ukon Latin Honors.
Sa kabug-usan may yara sang 1,689 ka mga graduates halin sa Main Campus.
Ini ang kabahin sang post-baccalaureate, baccalaureate, masters, kag doctoral programs.
Subong nga adlaw, ginpatigayon ang University Recognition Program sa diin 992 ka mga graduating students ang may yara sang Latin honors.
49 sa mga ini ang Summa Cum Laude, 648 ang Magna Cum Laude, kag 295 ang Cum Laude.
Matandaan nga sang 2023, sa 1,522 ka mga graduates, 74% gid ang may Latin honors ukon 1, 123 ka mga estudyante.
Sa nasambit nga numero, 36 ang Summa Cum Laude, 691 ang Magna Cum Laude kag 396 ang Cum Laude.
