ILOILO CITY – Ginpasiguro sang Police Regional Office (PRO-6) nga wala sang security breach nga matabo sa paghiwat sang Palarong Pambansa 2017 sa probinsiya sang Antique.
Sa interview sang Bombo Radyo kay PRO-6 spokesperson Supt. Gilbert Gorero, ginpahayag sini nga santo sa rekomendasyon sang Antique Provincial Police Office (APPO), nagakinahanglan sang masobra 500 nga mga uniformed police officers.
I-deploy naman ang mga ini sa points of entry and exit, billeting areas kag iban pa ang mga venues nga hiwatan sang sporting events.
Una na ginpahayag ni Department of Education Undersecretary Tonisito Umali sa interview ang Bombo Radyo nga nagalab-ot sa 12,000 delegates ang ginalauman nagikan sa 18 ka rehiyon sa pungsod, nga magapasok sa 60th Palarong Pambansa.