ILOILO CITY – Natigayon na nga mahatagan sang assistance ang masobra 500 nga mga hog raisers sa banwa sang Oton, Iloilo nga apektado sang African swine fever.
Sa interview sang Bombo Radyo kay Oton, Iloilo Vice Mayor Neil Olivares, iya ginpahayag nga P1. 5 million ang ginpa-in nga pondo sang banwa nagikan sa calamity fund.
Suno sa iya, P3, 000 ang ginhatag nga assistance sa tagsa ka hog raisers.
Ini sila ang gin-classify sang Municipal Agriculture and Cooperative Office bilang less affected kag tuman ka apektado sang amo nga balatian.
Dugang pa niya, may yara pa sang ginalauman nga bulig nagikan sa provincial government kag sa iban pa nga ahensya.
Sa subong, wala na sang pending nga halatagan sang assistance kag ang iban nga mga hog raisers ang nagbalik na sa pagsagud sang baboy samtang ang iban ang nagpahuway anay.
