Preso subong sa Sabah, Malaysia ang masobra 60 ka mga Pilipino nga manugpangisda matapos nga gindakop sang Malaysian Coast Guard bangud sa gina-alegar indi awtorisado nga pagpangisda.
Base sa report, nakit-an ang fishing vessel 18 nautical miles west sang Mantani Island sadtong Setyembre 27.
Ginkumpirma man sang Malaysian Maritime Enforcement Agency sadtong Setyembre 30 nga may nadiskobrehan ang apat ka tonelada nga mga ”seafoods” nga ginpatihan nagabalor sang ginabanta 5 million pesos base sa pauna nga inspeksyon.
Suno sa awtoridad sang Malaysia, napaslawan nga magpkita sang mga valid documents ang mga manugpangisda rason nga gin-akusaran ang mga ini nga may ginlapas sa immigration kag Fisheries Act of 1985 sang Malaysia.
Nahibaluan nga ginadumilian ang pagpangisda sa ginpanag-iyahan nga kadagatan sang Malysia, magluwas lamang kun may ara sang agreement sa tunga sang Malaysia Government kag mga barko nga nagapadulong sa ila nga kagdagatan.
