Gin-report sang Bureau of Corrections (BuCor) nga masobra 1,000 nga mga persons deprived of liberty (PDLs) ang napagwa sa mga presuhan halin sang November 26 to December 30.
Bangud sini, nagsaka sa 7,707 ang kabug-usan nga numero sang preso nga napaguwa subong nga 2024.
Ang padayon nga pagpaguwa sa qualified inmates ang kabahin sang paninguha sang gobyerno nga ma-decongest ukon mapahalog-halog ang penal institutions sa idalom sang BuCor.
Sa ginpang-release sang ahensya, lain-lain man ang grounds nga ginbasehan kaangay sang:
625 – nakumpleto na ang maximum sentences
134 – na-acquit
38 – nahatagan sang probation
190 – nakabaton sang parole
11 – na-grant ang habeas corpus
one — na-grant ang motion for release
one — ginsaylo sa local jail
Sa pihak nga bahin, nagpahayag si BuCor Director General Gregorio Pio Catapang Jr. nga nagalaum sila nga mapaguwa naman nila sa 2025 ang mga kuwalipikado nga mga preso nga na-convict bangud sa heinous crimes. Ini kasunod sang desisyon sang Supreme Court nga nagasaad sang kondisyon nga dapat covered ang mga ini sang Good Conduct Time Allowance (GCTA).
