Ginapahayag nga naglab-ot na sa masobra 80 ka mga Reserve Officers’ Training Corps (ROTC) trainees sa Camp Adriano D. Hernandez sa Dingle, Iloilo, ang na-food poison kag gindala gilayon sa ospital matapos nga naglain ang ila pamatyag.
Ini amo ang mismo nga ginkumpirmar sang Dingle Municipal Police Station kasunod sang insidente.
Suno sa nakuha nga impormasyon sang Bombo Radyo, dako ang posibilidad nga adobo nga baboy ang gintunaan sang pagsinakit sang tyan sang mga biktima nga ila nangin panyapon kagab-i, Hunyo 17.
Kalabanan sa mga nangin biktima amo ang mga babayi nga una nga nagkaun sa nasambit nga panyapon.
Sa subong, yara naman sa maayo nga kondisyon ang mga indibidwal.
Nahibaluan nga gindala ang mga apektado nga trainees sa nagkalain-lain nga mga ospital lakip na ang Pototan District Hospital, Barotac Nuevo District Hospital kag Dumangas District Hospital.
Ang nasambit nga mga trainees amo ang halin sa mga nagkalain-lain nga eskwelahan sa bilog nga rehiyon.
 trainees sa Camp Adriano D. Hernandez sa Dingle, Iloilo, ang na-food poison kag gindala gilayon sa ospital matapos nga naglain ang ila pamatyag.){kind=link}