ILOILO CITY – Serbihan sang show cause order ang masobra 800 ka mga establishments sa isla sang Boracay bangud sang environmental problema nga ginapangatubang sang isla bangud sang kakulang sang sewerage system sang mga istruktura sa lugar.
Sa interview sang Bombo Radyo Iloilo, ginpahayag ni Department of Environment and Natural Resources (DENR) regional director Jim Sampulna nga sa maabot nga Lunes, nakahanda na ang nasambit nga show cause order agud i-serbi sa sa mga establishments.
Sa pagkamatuod suno kay Sampulna, gindumilian na sini magpauli ang Provincial Environmental and Natural Resources Office (PENRO) officer agud tapuson ang problema sa Boracay.
Suno kay Sampulna, kinahanglan magpaathag ang mga establishments sa Boracay kun nga-a indi ang mga ini dapat pahalinon.
Plano sang ahensiya nga hugtan ang pagpasulod sang mga negosyo.
Ginpahayag ni Director Sampulna nga overpopulated na ang Boracay kag isa ini sa mga rason sang pagkaguba sang isla.
Ang isla nga dapat kuntani palahuwayan kun magbakasyon, ang kaangay nga super mall na suno kay Sampulna bangud sa nagsulputan nga mga balaligyaan.