Masobra 8,000 ka mga indibidwal ang nagbisita sa mga patyo sa syudad sang Iloilo, suno sa monitoring sang Iloilo City Disaster Risk Reduction and Management Office (CDRRMO).
Base sa report sang CDRRMO, naglab-ot sa ginabulubanta nga 8,280 ka tawo ang nagbisita sa napulo ka pampubliko kag pribado nga mga patyo sa syudad sang Iloilo.
Naobserbahan nga gamay lang ang nagbisita bangud sa mainit nga panahon, nga ang heat index naglab-ot sa 39°C.
Nagapabilin naman nga malinong kag matawhay ang sitwasyon sa syudad kag wala sang insidente nga na-record sa subong.
