MANILA – Kapin sa 90 ka mga pampubliko nga buluthuan ang natalana nga ipaiway ang pagbukas sang klase bangud sa pagslaslas sang Typhoon Carina nga ginpabaskog sang Southwest Monsoon ukon Habagat.
Suno kay Department of Education Secretary Sonny Angara, lakip sa mga syudad nga magahulag sa pagbukas sang klase amo ang Malabon kag Valenzuela.
Magabukas man sang ila klase sa Hulyo 31 ang mga pampubliko nga eskwelahan sa Malabon City, samtang ang mga yara sa Valenzuela City magasaylo sang ila class opening sa Agosto 5 sa baylo sang una na nga gin-anunsyo nga Hulyo 29 nga schedule.
Suno kay Angara, ginalauman nga magadugang sa masunod nga mga inadlaw ang numero sang mga buluthuan nga magapatuman sang late opening of classes.
Ginahulat pa sang Department of Education ang mga report sang ila regional directors may kaangtanan sa rekomendasyon nga i-postpone ang pagbukas sang klase sa ila nasakupan.
Sa subong, ang pinaka-apektado nga mga pampubliko nga eskwelahan ang narekord sa National Capital Region, Regions III, kag IV.
Dugang pa, si Angara nagsiling nga ang tagsa ka pampubliko nga eskwelahan may kaugalingon nga paghukom ukon desisyon kon san-o magbukas sang ila mga klase.
Gin-anunsyo namn ni Marikina City Mayor Marcy Teodoro nga ang pagbukas sang klase sa Marikina City natalana sa Agosto 5 para sa tanan nga lebel sa pampubliko kag pribado nga eskwelahan.
