Nagdangat sa 917 ka mga indibidwal nga nagahimo sang iligal nga aktibidad ang nadakpan sang Police Regional Office 6 sa 15 ka adlaw nga operasyon humalin sang Hunyo 1-15.
Sa sini nga 590 police operations nga ginpatigayon sa Western Visayas, yari ang napang-aresto:
•Illegal Drugs- 196
- Illegal Gambling – 204
- Wanted Persons – 297
- Loose Firearms – 33
- Illegal Fishing – 170;
- Illegal Logging – 17
Gindayaw man ni PRO-6 Director Brigadier General Jack Wanky ini nga hinimuan sang kapulisan sa bug-os nga rehiyon kag nagmandu man nga padayunon ang pag-aresto sa kutob sang mga nagalapas sa layi.
“These accomplishments are products of your relentless effort against all forms of illegal activities in your respective areas of responsibility. Despite this feat, let’s intensify our endeavours to arrest the remaining law violators at large,” pahayag ni Wanky.#
(Photo: PRO 6)
