Pondohan sang Department of Health (DOH) ang No Smoking Ordinance sa Probinsya sang Iloilo.
Sa interview sang Bombo Radyo kay Ma. Jennifer Joy Oñate, Health Promotion Officer II sang Iloilo Provincial Health Office (PHO), iya ginpahayag nga yara sa ginabanta P1.9 million ang pondo nga ihatag sang DOH sa Iloilo Provincial Government.
Suno kay Oñate, nahitso na ang series of activities nga ila ipatuman agud nga ma-adopt sang mga banwa ang amo nga ordinansa.
Ang pondo ang gamiton sa mga trainings kag iban pa nga requested assistance sang tagsa ka banwa.
Kun maaprubahan na ang memorandum of agreement ni Iloilo Governor Arthur Defensor Jr kag mapirmahan naman sang DOH Western Visayas, i-download na ang pondo sa probinsya kag mapatuman na ang ‘No Smoking Ordinance’.
