ILOILO CITY – Masobra sa 1,000 ka newly registered voters ang naghingagaw subong nga adlaw sa pagparehistro sa katapusan sang registration para sa May 2020 elections.
Sa interview sang Bombo Radyo kay Mr. Jonathan Sayno, election officer sang Iloilo City Commission on Elections, iya ginpahayag nga humalin sang una, nagadagsa ang mga nagaparehistro sa deadline.
Ginpahayag ni Sayno nga nag-umpisa ang registration, 6:00 sa aga tubtub 8:00 sa gab-i apang 1:00 pa lang sa hapon, ginpa-untat na ang pagpanghatag sang form.
Sa pagkabug-usan, ginpahayag ni Sayno nga masobra sa 15,000 ang nagparehistro sa syudad sang Iloilo para sa May 2020 Barangay kag Sanguniang Kabataan elections.
Bisan nga aprobado na sa 3rd and final reading ang hagna nga nagapaiway sa eleksyon, ginpahayag sang natungdan nga padayon sa gihapon ang pagpanghanda sang Commission on Elections.
