ILOILO CITY – Masobra pa sa 2,000 ang backlogs ukon ang mga specimen nga dapat pa nga iproseso sang Western Visayas Medical Center Sub-National Laboratory.
Sa interview sang Bombo Radyo kay Dr. Stephanie Abello, chief pathologist sang nasambit nga laboratoryo, iya ginpahayag nga mahimo nga matapos ang backlogs sa Setyembre 6.
Suno kay Abello, ginasapar sa subong ang pagproseso sang mga specimen nga nabaton humalin sang Setyembre 1 agud nga indi madugangan ang mga backlogs nga na record sa katapusan nga semana sang Agosto.
Nagalaum si Abello nga makabalik na sa trabaho sa masunod nga inadlaw ang anum ka technical staff nga una nga nagpositibo sa COVID-19 agud nga makadugang sa manpower.
