ILOILO CITY – Masobra sa 300 ka dugang nga recoveries may kaangtanan sa COVID-19 ang na record sa Western Visayas.
As of October 26, naglab-ot sa 313 ka recoveries ang nagdugang sa listahan kun sa diin 12,608 na ang kabug-usan nga numero.
Nadugangan man sang 185 ang kumpirmado nga kaso rason nga nagsaka na sa 15,958 ang total COVID-19 cases kun sa diin 2,976 ang active cases.
Magluwas diri, nagsaka man sa 374 ang total deaths matapos nga lima ang nagdugang sa listahan.
Sa 185 ka panibag-o nga kaso, 66 ang gikan sa Iloilo, 50 sa Negros Occidental, 42 sa Iloilo City, 16 sa Bacolod City kag 10 sa Capiz.
Sa subong, ang Aklan ang may 146 ka total COVID-19 cases, Antique nga may 70, Capiz nga may 758, Guimaras nga may 167, Iloilo nga may 1,891, Negros Occidental nga may 4,286, Bacolod City nga may 4,749 kag Iloilo City nga may 3,891.
