QATAR – Masobra sa 300 nga mga Overseas Filipino Workers sa Qatar ang nagalaum nga makapauli sa Pilipinas matapos nadulaan sang trabaho bangud sa COVID-19 pandemic.
Sa interview sang Bombo Radyo kay Mark Aljohn Sangrones, tumandok sang syudad sang Iloilo, iya ginpahayag nga sang Pebrero pa siya gin-terminate sa ginatrabahuan nga kompaniya kaupod ang 17 ka iban pa.
Suno kay Sangrones, madamo pa nga mga Overseas Filipino Workers nga nagatrabaho sa iban nga kompaniya ang nadulaan man sang trabaho kag pila ka na bulan nga naga-antos sa ila ginatiniran nga pasilidad.
Ginpahayag ni Sangrones nga wala matuod sang bayad sa ila ginatiniran apang wala naman sila ginahatagan sang pagkaon ukon allowance sang ila kompaniya.
Ang ila settelement pay suno sa natungdan ang napadala na nila sa ila himata samtang ang iban naman ang naubos na nila sa paggasto sa pang adlaw-adlaw nga kinahanglanon.
Nagalab-ot sa 5,200 ang nalakip sa listahan sang mga OFWs nga maluyag magapauli apang santo sa imporasyon, 345 lamang ang pagabatunon sa Pilipinas.
Kun tani suno sa Ilonggo OFW, mabuligan man sila sang gobyerno bangud tuman nga stress na ang ila nabatyagan sa Qatar nga wala man lang sang trabaho kag sweldo.
