ILOILO CITY – Masobra sa 40 ang nadakpan bangud sa paglapas sa Anti-Jaywalking Ordinance sa Sen. Benigno Aquino Jr. Avenue sa Mandurriao, Iloilo City.
Ang nasambit nga datus ang humalin sang Lunes tubtub Miyerkules subong nga semana umpisa sang liwat nga ginpatuman ang nasambit nga ordinansa.
Sa interview sang Bombo Radyo kay Joever Legada, isa sa mga empleyado sa Special Services Division sang Iloilo City Government, iya ginpahayag nga kalabanan sa mga nagkaladakpan amo ang mga nagatrabaho sa mall nga napahamtang sa nasambit nga area kag ang mga nagadali.
Suno kay Legada, ang mga nagkaladakpan ang ginmultahan sang P50 kag kun mapaslawan sa pagbayad, mahimo nga mapreso ang violator sa sulod sang isa ka adlaw.
