MANILA – Ginabanta nga 140,000 tubtub 220,000 ka trabaho ang mahimo nga ituga sang masobra sa P1 trillion funding para sa ‘Build, Build, Build’ infrastructure push para sa 2021.
Suno sa Department of Labor and Employment, ginabanta nga masobra sa 4 million Filipinos ang mahimo nga madulaan sang trabaho sa katapusan sang 2020.
Sa 2021 budget message ni Presidente Rodrigo Duterte, nakasaad nga ang infrastructure development ang may daku nga bulig sa pagbatak sa ekonomiya sang Pilipinas.
Ang P1.107 trillion budget para sa Build, Build, Build program para sa masunod nga tuig ang equivalent sa 5.4 percent sang gross domestic product sang Pilipinas.
Ang nasambit nga kantidad ang 13.4 percent nga mas mataas sa P976 billion nga pondo subong nga tuig.
Magluwas sa construction program, ang pondo ang pagagamiton para sa mga proyekto nga nagasuporta sa health and essential services kag transport and mobility.
