ILOILO CITY – Nagdangat sa masobra P2 million ang balor sang iligal nga droga nga na-recover sa isa ka high value individual (HVI) sa ginpatigayon nga drug buy-bust operation sang Regional Police Drug Enforcement Unit (RPDEU) – VI kag Pototan Municipal Police Station sa Montero Village, Brgy. Igang, Pototan, Iloilo kagab-i.
Ang arestado amo si Ryan Ace Jallorina, alias “Cas”, 41, residente sang Escarios St. Brgy. San Jose, Pototan.
Nabaklan si Jallorina sang isa ka sachet sang suspected shabu.
Na-recover dugang sa iya ang 48 ka plastic sachets sang suspected shabu kag duha ka dalagko nga plastic bag nga may unod man nga ginapatihan shabu.
Nagdangat sa gibanta 350 grams ang droga nga nakuha sa iya nga may standard drug price nga Php 2,380,000.
Sa subong, preso na sa Pototan PNP si Jallorina.
