ILOILO CITY – Ginatudlo sang Department of Health (DOH) Region VI sa Philippine Health Insurance Corporation (PhilHealth) ang rason kun ngaa ginabuhinan sang mga ospital sa syudad sang Iloilo ang dedicated beds para sa COVID-19 patients.
Sa interview sang Bombo Radyo kay Dr. Marlyn Convocar, director sang DOH Region 6, iya ginpahayag nga delayed ang pagbayad sang PhilHealth sang utang sa mga ospital.
Nahibaluan nga suno sa Iloilo City Government, as of August 3, nagdangat sa P521.8 million ang utang sang PhilHeallth sa mga ospital sa syudad.
Lakip diri ang:
– The Medical City Iloilo – P93 million
– West Visayas State University Medical Center – P35 million
– Medicus Medical Center – P30 million
– Metro Iloilo Hospital and Medical Center – P9 million
– Qualimed Hospital – P45 million
– Iloilo Doctors Hospital – P1.18 million
– St. Pauls Hospital Iloilo – P85.9 million
– Western Visayas Medical Center – P137 million
– Iloilo Mission Hospital – P85 million
Magluwas sa PhilHealth, ginatudlo man nga rason ang pagpositibo sang mga medical workers sa COVID-19, kulang nga medical personnel, kag kulang nga Personal Protective Equipment (PPE).
