Ginalantaw ni Iloilo 2nd District Board Member Jun Mondejar nga ang mass gathering amo ang mayor nga rason sang pagsaka sang kaso sang COVID-19 sa probinsya sang Iloilo.
Sa interview sang Bombo Radyo kay Board Member Mondejar, iya ginpahayag nga may mga himatayan pa kag beach resorts nga madamo sang tawo apisar nga ginadumilian.
Suno kay Mondejar, may mga dungol nga tawo nga bisan ginasaway na, padayon sa gihapon nga ginalapas ang mga health protocols.
Panugyan sang board member, kun nagapakatig-a gid kag indi magpati ang tawo, mas maayo nga tawgan na lang ini sang pulis.
Nahibaluan nga si Mondejar amo ang author sang social distancing ordinance sa probinsya.
