ILOILO CITY – Ginabasol sang COVID-19 Team sang Iloilo City Government ang mga pagtililipon sang bulan sang Enero nga amo ang gintunaan sang pagsaka sang COVID-19 cases sa syudad sang Iloilo.
Sa exclusive interview sang Bombo Radyo kay Mr. Jeck Conlu, spokesperson sang COVID-19 Team sang syudad sang Iloilo, iya ginpahayag nga santo sa data sang City Epidemiology and Surveillance Unit (CESU) , nagtimbuok sa 18.64 percent ang kaso sang COVID-19 sa Iloilo City.
Suno kay Conlu, mas mataas ang narekord nga kaso sang COVID-19 sang bulan sang Enero nga nagadangat sa 331 kun ipaanggid sang 279 nga narekord sang December 2020.
Pahayag ni Conlu, 10 naman ang narekord nga napatay bangud sa COVID-19 sang nagligad nga bulan.
Samtang 8 naman ang napatay sang December 2020.
Ini man ang nagtulod kay Iloilo City Mayor Jerry Treñas nga magpaggwa sang Executive Order sa pagdumili sang mass gathering ukon ano man nga sahi sang pagtililipon.
