Madamo ang indi maayo nga epekto sang Mass Promotion nga ginapatuman sa mga buluthuan sa Pilipinas.
Sa interview sang Bombo Radyo kay Atty. JM Benavidez Estoque, Founder sang Philippine Social Conservative Movement, iya ginpahayag nga ang mass promotion amo ang ginapatuman sang Department of education nga ‘no child is left behind’ bisan pa nga may bagsak ang isa ka studyante sa isa ka subject.
Pahayag niya, sa ginpatigayon nga pag-panalawsaw sang Philippine Business for education, may ara sang mga studyante nga ara na sa college level apang indi kabalo mag ubra sang simple essay
Ila naman nga ginakalipay ang gina-ubra nga tikang sang gobyerno agud nga mauntat na ang Mass promotion kag papasaron lamang ang mga studyante nga makarasang sa masunod nga grade level.
Suno kay Estoque, nagapati sila nga madamo ang malain sini nga epekto indi lang sa mga studyante kundi amo man sa bilog nga pungsod ilabi na sa pagtubang sang mga ini sa realidad matapos ang ila nga pag-eskwela.
