Mass testing, ginapatigayon subong sa syudad sang Iloilo

ILOILO CITY – Nagpatigayon sang mass testing ang syudad sang Iloilo subong nga adlaw sa tanan nga mga empleyado.

Sa interview sang Bombo Radyo kay Iloilo City Mayor Jerry Treñas, iya ginpahayag nga padayon nga magapatigayon sang mass testing ang syudad sang Iloilo agud nga mahibaluan ang matuod nga numero sang kaso sang Coronavirus Disease 2019 (COVID-19) kag mapunggan ang paglapta sang virus.

Magluwas sa mass testing, 50% man sa mga empleyado sang Iloilo City Hall ang nakabalik na apang ang mga senior citizen ang wala anay gintugutan nga magtrabaho.

Sa Iloilo City Hall, gina obserba man ang physical distancing kag may mga alcohol man nga napahamtang agud makapang-disinfect.

Ginasiguro man sang alkalde nga malimitahan ang mga tawo nga nagasulod sa Iloilo City Hall.