DUMANGAS, ILOILO – Natukiban na sang local government unit sang Dumangas, Iloilo ang 30 ka mga indibidwal nga naka close contact sang pito ka tuig nga bata nga napatay bangud sa COVID-19.
Sa interview sang Bombo Radyo kay Mayor Ronaldo Golez, iya ginpahayag nga antes pa man nahibaluan nga nagpositibo sa COVID-19 ang bata nga babaye, nakapadulong ini sa mga clinics kag mismo sa district hospital bangud nga siya ang gina-masakit.
Kag antes pa man ini nagmasakit, nagtambong ini sa isa ka birthday party rason nga madamo kag malawig pa suno kay Golez nga contact tracing ang patigayunon.
Pahayag sang alkalde, massive contact tracing ang ginahimo subong sang local government unit sang Dumangas.
Sa subong, ginatinguhaan sang Rural Health Unit sang banwa nga mahibaluan kun sa diin kag paano nalatnan ang bata sang virus.
