ILOILO CITY – Padayon ang massive information dissemination sang Iloilo City Government agud nga matapna ang paglapta sang Novel Coronavirus.
Sa interview sang Bombo Radyo kay Dr. Roland Jay Fortuna, Forcal Person for Novel Coronavirus sang Iloilo City Health Office, iya ginpahayag nga sunod nga tutukan sang team amo ang mga mall, simbahan kag terminal agud nga makapanghatag sang flyers kag iban pa nga campaign materials tuhoy sa nasambit nga virus.
Suno kay Dr. Fortuna, magluwas sa massive information dissemination, isa man sa ginatutukan amo ang pagpasangkad sang monitoring sang Barangay Health Emergency Response Team nga ginabug-usan sang Barangay Official, Health Worker kag Tanod.
Ginpahayag ni Dr. Fortuna nga ang Barangay Health Emergency Response Team ang magahatag sang questionnaire sa mga balikbayan nga naghalin sa luwas sang pungsod.
Paagi sa questionnaire suno sa natungdan, madali nga mahibalu-an ang travel history sang balikbayan.
