ILOILO CITY- Ipatuman sang Iloilo City Government ang misting kag massive disinfection matapos ang kumpirmasyon nga may residente sang syudad sang Iloilo nga nagpositibo sa coronavirus disease 2019.
Ang nagpostibo amo ang isa ka babayi nga naga edad sang 61 anyos, may travel history sa Manila kag nagapuyo sa distrito sang Mandurriao.
Sa interview sang Bombo Radyo kay Iloilo City Mayor Jerry Treñas, iya ginpahayag nga ang massive disinfection ang pagahimuon agud indi na maglapta pa ang virus sa syudad.
Suno kay Treñas, mismo ang mga katapo sang Iloilo City Health Office ang magapatigayun sang amo nga lihok.
Nagapangabay man ang alkalde sa mga pumuluyo nga sundon ang mandu sang mga punong barangay kag mga opisyales nga indi magwa sa panimalay kun wala sang importante nga transaksyon.
