Lauman ang pila ka pagbag-o sa patigayunon nga masunod nga presidential debate sang Commission on Elections (COMELEC) sa Abril 3 suno kay Commissioner George Erwin Garcia,
Wala na naghatag pa sang dugang nga detalye si Garcia angut sa mga bag-uhon sa debate bangud ini ang pagadiskusyon kaupod ang tanan nga myembro sang media sa Marso 31.
Nahibaluan ng ginpatigayon sang COMELEC ang una nga presidential debate sang Marso 19 nga naglawig sang tatlo ka oras, may isa ka moderator kag wala sang live audience.
Sa nauna nga nga pagsulundan sang presidential debate, ang papasunod sang mga masabat nga kandidato sa una nga pamangkot ang nakabase sa resulta sang draw lots.
Ang masunod nga pamangkot ang sabton sang mga kandidato sa alphabetical order.
Sa 10 tanan ka mga nagapapili bilang presidente si Presidential Candidate Ferdinand “Bongbong” Marcos Jr. lang ang nagpamalibad nga magtambung sa nauna nga debate.
Bilang consequence sa indi pagtambung sa debate nga ginpatigayon sang COMELEC, ang kandidato ang dumili-an nga mag air sang ila electronic rallies sa platform sang poll body.
Ginpahayag naman sang COMELEC nga ila plano nga dugangan ang idagdag nga sanctions sa kandidato nga wala nagatambung sang debate.
