ILOILO CITY – Plano sang Barangay Council sang Lanit, Jaro, Iloilo City ang pagpahamtang sang dugang nga Material Recovery Facility.
Sa interview sang Bombo Radyo kay Brgy. Kagawad Jimmy Gonzalez, iya ginpahayag nga sa subong, duha pa lang ang Material Recovery Facility sa ila lugar kag indi ini makaakomodar sang basura gikan sa pito ka mga zona.
Suno kay Gonzalez, pahamtangan sang Material Recovery Facility ang tagsa ka Zona para sa proper waste segregation.
Sa subong, ginpahayag sang natungdan nga ginahulat na lang nila ang pick-up date sang basura agud nga indi mag-awas ang Material Recovery Facility.
