Gin-athag ni NBI Director Melvin Matibag sa ika-siyam nga adlaw sang impeachment trial, nga consummated ukon napamatud-an nga may ara sang nalapas si VP Sara Duterte sa betrayal of public trust sang gin-ako sini sa publiko nga may ara na ini sang may gin-kontrata agud ipapatay sanday President Ferdinand Marcos Jr., First Lady Liza Araneta-Marcos, kag House Speaker Martin Romualdez kun una ini nga mapatay.
Suno kay Matibag, ang amo nga pahayag isa na ka pamatuod nga nalapas sang isa ka bise presidente ang iya ginsumpaan sa layi nga dapat sini kuntani tumanon kag agud maghatag sang hustisya para sa Pilipino.
Kadungan man sang ika-siyam nga trial, ginpangabay man sang kampo ni Duterte nga ipakuha sa rekord ang pahayag ni Matibag, apang wala ini ginbaton sang impeachment court.
Ginsiling man ni lead impeachment prosecutor kag Batangas Representative Gerville Luistro nga nagasabat lamang si Matibag sa pamangkot sang depensa.
Pahayag pa sini ang ginpahayag nga betrayal of public trust natabo matapos ang personal nga pahayag ni Duterte nga may gin-istorya na ini agud ipapatay ang First couple kag anay House Speaker.
Nahibaluan nga sa karon nagapangatubang si VP Sara Duterte sang mga kaso kaangot sa culpable violation of the Constitution, graft and corruption, bribery, betrayal of public trust kag iban pa nga mabug-at nga krimen.
