ILOILO CITY – Masobra tatlo ka tuig matapos ang sekreto nga kasal nga nagresulta sang pagkaguba sang relasyon ni Sara Geronimo sa iya mga ginikanan, gin-ako ni Matteo Guidicelli nga wala pa siya naka-istorya sa iya mga ugangan nga sanday Divine kag Delfin Geronimo.
Suno kay Matteo, nagalaum ini nga mangin okay na ang tanan bangud nahibaluan niya kun daw ano nila ka palangga si Sarah kag kun daw ano man sila ka palangga ni Sarah.
Ginpasalig naman sang actor nga may yara sa gihapon sang connection ang iya asawa sa iya mga in-laws.
Sang nagligad nga Oktubre, gin-address sang pop star royalty ang iya mga parents pinaagi sa isa ka open letter kun sa diin, nagpangayo ini sang pasaylo bangud sang mga natabo.
Sanday Matt kag Sarah ang nagpakasal sang February 2020 sa isa ka seremonya nga napun-an sang kontrobersiya.
Base sa reports, gintuyo nga punggan sang pamilya ni Sarah ang amo nga kasal.
