Posible nga mangin tunaan sang madamo nga reklamo ang cash assistance nga ginapaabot sang syudad sang Iloilo nagikan sa Assistance to Individuals in Crisis Situation (AICS) nga programa sang Department of Social and Welfare Development (DSWD).
Sa interview sang Bombo Radyo kay Punong Barangay Roberto Niño, Liga ng mga Barangay Spokesperson, iya ginpahayag nga pili lamang santo sa guidelines sang DSWD ang mahatagan sang ayuda nga P1,000 kada indibidwal kag maximum nga P4,000 kada pamilya.
Suno kay Niño, sa mga indi mahatagan sang ayuda, pat-od nga may lainay na naman sang buot sa kada barangay.
Sa subong suno sa iya, wala pa nakaabot sa local government unit ang ginpasalig nga cash assistance sang DSWD apang naga-umpisa na sila lista sang mga possible beneficiaries sa kada barangay sang syudad.
