Gin-athag sang Philippine National Police – Region XI nga indi matuod ang mga nagaguwa nga mga impormasyon nga gin-lockdown ang syudad sang Davao subong nga gab-i, Agusto 25, bangud sa rally nga ginahimo sang mga taga-suporta ni Pastor Apollo Quiboloy.
Baliskad sa report nga gin-release sang media network ni Quiboloy nga SMNI, nagpahayag si PRO11 Spokesperson Police Major Catherine Dela Rey nga ang mga raliyista mismo ang nagbangga sa national highway kag sila man suno sa iya ang nagalapas sang tawhanon nga mga kinamatarong bangud sa agresibo nila nga mga aktwasyon.
“Hindi totoo na ni-lockdown ng PNP ang entry points sa Davao City. Sila po ang humarang sa national highway,” pahayag ni Dela Rey. “They are the one’s violating human rights by being hostile, aggressive and Not following rule of law. Disrupting peace and depriving the public of using the national highway,”
Sa protesta nga ginahimo sang mga miyembro sang Kingdom of Jesus Christ subong nga gab-i, ginasinggitan ang pangalan ni Duterte kag amo man ang pagpanawagan kay President Ferdinand Marcos, Jr. nga mag-resign sa pwesto.
Nagpanindugan naman si PRO XI regional director Brigadier General Nicolas Torre III nga indi sila maghalin sa compound kag magapadayon pa ang operasyon sang linibo ka kapulisan samtang wala pa nadakpan ang pastor kag ang kaupod sini nga mga akusado.#
(Photo: SMNI News)
