Nagpangayo sang pasaylo si Bacolod City Mayor Albee Benitez sa sexy vlogger-actress nga si Ivana Alawi sa tunga sang kontrobersiya nga ginaka-ulamiran sang aktres kun sa diin ini ang ginatudlo sang publiko nga karelasyon sang alkalde.
Mas nagtunog pa ini nga huring-huring matapos makuhaan sang video sang isa ka netizen sanday Ivana kag Mayor Albee sa isa ka airport.
Apisar naka-facemask ang lalaki, gintumod sang madamo nga netizens nga ini amo ang negosyante kag politiko nga si Mayor Albee.
Nagpaguwa man sang statement si Ivana sang nagligad nga adlaw nga nagatadlong sang istorya bangud suno sa iya, nagakadalahig na ang iya iloy kag utod nga si Mona.
“I tried to stay quiet at dumedma na lang dahil sa paniniwala ko na hindi ako dapat magsalita lalo kapag alam ko na wala akong ginagawang masama. But because of the false accusations and hurtful words that are being thrown [at] my Mom and Mona, kinailangan ko nang linawin ang mga bagay,” pahayag sini.
Ginsiling sini nga indi siya ang girlfriend ni Mayor kag negosyante ang iya gina-date subong — indi pulitiko.
“I am currently seeing someone who makes me happy. All I can say is that he is a respectable businessman and not a Politician.”
Suno naman kay Mayor Albee, ang video nga naglapta ang wala gani nagpaathag kun ano ang iya ginhimo sa Japan. Isa ini ka business trip suno sa iya kag may yara siya sang official nga travel order.
Isa lamang ini ka “chance encounter” suno kay Mayor kag ginpangbutangan lamang sang malisya.
Magluwas sa pag-sorry kay Ivana, nag-sorry man ang mayor sa pamilya sang actress bangud nadalahig sila sa isyu sa iya pribado nga kabuhi.
“Speculations involving Ms Ivana Alawi are untrue and only serve to put malice into what was clearly a chance encounter. I apologize to Ms Alawi and her family who have been unfairly dragged into issues concerning my private life. There is no truth to any and all the rumors spreading and I am setting the record straight to avoid further hurt and damage to them. Maraming salamat po,” kabahin sang statement sang alkalde.#
