Ginpahalin na sang Nationalist People’s Coalition (NPC) sa ila partido ang kontrobersyal kag suspendido nga alkalde sang Bamban, Tarlac nga si Alice Guo antes pa man ang pagsugod sang kampanya para sa 2025 midterm elections.
Ang rekomendasyon nga palayason si Guo ang ginhimo ni Tarlac Governor kag NPC provincial chairperson Susan Yap kag gin-aprubahan naman sang NPC Chairman nga si anay Senate President Vicente Sotto III.
Nakasaad nga ginkakasan ini sang membership bangud wala ini sang napresentar nga bastante nga ebidensya agud ipanginwala nga may involvement siya sa illegal gambling operations sa Bamban.
“The NPC will not tolerate any unlawful acts or any appearance of impropriety by its members that will undermine the principle of our party,” reply ni Sotto sa rekomendasyon ni Yap. “In this regard, after due consultation with the leaders and members of our party and considering the gravity of charges and on-going investigations against Mayor Guo, I hereby order the removal of Mayor Alice Guo from the roster of members of the Nationalist People’s Coalition.”
Ang NPC isa sa mga pinakadaku nga political party sa Pilipinas kag nakapirma na sang alyansa sa ruling party nga Partido Federal ng Pilipinas ni President Ferdinand Marcos, Jr.
Ang pagkakas kay Guo ang natabo sinemana antes ang schedule sang pag-file sang mga pulitiko sang certificates of candidacy sa Commission on Elections para sa natalana nga midterm elections.
Natabo man ini sa kasagsagan sang kontrobersiya sa alkalde nga ginapahayag involved sa human trafficking kag iban pa nga iligal nga aktibidad sang Philippine Offshore Gaming Operations (POGO) company sa Bamban, kag ginakwestion man pati ang iya Filipino citizenship.
