Ginbulgar ni Senator Sherwin Gatchalian nga nagbutig si Bamban, Tarlac Mayor Alice Guo nga nag-home school ini kag gintudluan siya ni Teacher Rubilyn.
Ini ang kadungan man sang ginpatigayon nga hearing sang Senate Committee on Women and Children kaangot sa operasyon sang illegal Philippine offshore gaming operator (POGO).
Suno kay Gatchalian, natukiban sini nga nag-eskwela si Guo sa Grace Christian High School sa Quezon City, halin sa grades 1 tubtob 3.
Si Gatchalian, ang alumnus sang Grace Christian High School.
Ginpakigbahin man ni Gatchalian ang alien certificate of registration kag birth certificate ni Guo sa nasambit nga Senate hearing.
