ALIMODIAN, ILOILO – Ginapabugal ni Alimodian, Iloilo Mayor Gefree “Calay” Alonsabe ang ginhimo sang Alimodian Central Elementary School nga respetuhon ang Lesbian Gay Bisexual Transgender (LGBT) community.
Sa interview sang Bombo Radyo kay Mayor Alonsabe, iya ginpahayag nga dalayawon ang pagpatukod sang nasambit nga eskwelahan sang Comfort Room (CR) para sa mga myembro sang LGBT.
Suno kay Mayor Alonsabe, paagi sa nasambit nga lihok sang eskwelahan, malikawan ang ‘bullying’ sa kabataan kag mahatagan sang igtalupangod ang kinahanglan sang tagsa ka estudyante.
Magluwas sa LGBT CR, may yara man sang CR nga ginpatukod para sa mga Persons With Disability (PWD).
Nahibalu-an nga sa saguwa sang CR, nakasulat ang tinaga nga LGBT kag ang pangalan sang alkalde nga isa man miyembro sang LGBT.
