CONCEPCION, ILOILO – Desidido si Concepcion, Iloilo Mayor Raul Banias nga matapna ang pagduging sang Dengue sa nasambit nga banwa.
Santo sa datus, nagapang-apat ang Concepcion sa may pinakamadamu nga kaso sang Dengue kag nagapanguna naman kun numero sang patay ang pagahambalan.
Sa interview sang Bombo Radyo kay Banias, iya ginpahayag nga nagalab-ot na sa 240 ang numero sang pasyente nga may yara sang Dengue samtang 4 naman ang patay.
Suno kay Banias, indi malayo nga madugangan ang mga nasambit nga numero bangud nga may yara pa sang gina-verify nga report ang Municipal Health Office.
Ginpahayag ni Banias nga nagpaguwa na siya sang Executive Order sang Hulyo 1 nga nagamandu sang municipal wide cleaning.
Ang nasambit nga aktibidad ang pakigbahinan sang nanari-sari nga sektor bilang sabat sa pagtapna sang Dengue.
Sa subong suno sa natungdan, nagpirma na siya sang purchase order sa pagbakal sang mga bulong para sa mga pasyente kag bulong nga pamatay sa mga lamok agud nga mapadasig ang pagtapna sang nasambit nga balati-an.
