Wala sang special arrangement nga ihatag kay Davao City Mayor Sebastian “Baste” Duterte sa iya pag-atubang bilang testigo sa impeachment trial sang iya utod nga si Vice President Sara Duterte, suno sa Senate Impeachment Court.
Suno kay impeachment court spokesperson Atty. Reginald Tongol, mahimo maggamit si Mayor Baste sang holding room nga ginatalana para sa vice president kon gusto niya, ukon mahimo man siya maghulat sa ordinaryo nga lugar para sa mga testigo sa sulod sang Senado.
Pahayag pa ni Tongol, kabahin lamang ini sang regular nga proseso sa impeachment proceedings kag indi ini espesyal nga pribilehiyo para kay Mayor Baste.
Nahibaluan nga ginmanduan sang impeachment court si Mayor Baste nga mag-atubang bilang prosecution witness subong nga adlaw, Setyembre 28 ukon 29.
Ginalauman nga talakayon ang transaksyon sa tunga sang Davao City government kag GenCorp Industries, isa ka kompanya nga gin-deklara ni Vice President Sara Duterte bilang business interest sa iya Statements of Assets, Liabilities and Net Worth ukon SALN.
