JORDAN, GUIMARAS – Kulang katama ang nagabiyahe nga RORO vessel kag fastcraft nga may ruta Iloilo-Guimaras vice versa.
Sa interview sang Bombo Radyo kay Jordan, Guimaras Mayor Ruben Corpuz, iya ginpahayag nga tama ka kulang ang numero sang nagabiyahe nga sakayang pandagat ipanggid sa numero sang pasahero.
Agud nga mahagan-hagan ang paggintuk sa Jordan wharf, ginpanugyanan na ang mga pumuluyo nga indi magbiyahe padulong sa syudad sang Iloilo kun wala man lang sang importante nga transakyon.
Nagaginutok suno kay Corpuz sa pantalan bangud nga wala sang disiplina ang mga pasahero.
Ang bulong suno kay Corpuz amo nga ibalik ang pagbiyahe sang pump boats.
Magluwas diri, wala man nagapati ang alkalde sa pagahayag sang mga pasahero nga nagalab-ot sa 10 tubtub 12 ka oras ang ila nga pagpila bag-o makasakay sa RORO vessel kag fastcraft.
