JANIUAY ILOILO- Wala ginalauman ni Vice Mayor Ben Margarico nga siya ang magapungko nga alkalde sa banwa sang Janiuay, Iloilo.
Sa interview sang Bombo Radyo kay Margarico, iya ginpahayag nga nabatun na niya ang advisory sang Department of Interior and Local Government (DILG) nga siya ang magatal-os kay Mayor Frankie Locsin.
May yara man sang turn over sang mga dokumento nagikan sa daan nga administrasyon pakadto sa iya administrasyon.
Nakaagi naman siya suno kay Margarico nga nangin alkalde sa sang Janiuay sa sulod sang 12 ka tuig sadto.
Gi-athag man niya nga siya na ang Mayor sang banwa sang Janiuay santo man sa advisory sang (DILG), kag indi siya magaserbe nga acting Mayor.
Handa naman siya suno kay Margarico nga mangin alkalde sang ila banwa.
Kuntani suno sa natungdan maga-isa na sila tanan kaupod sang iban nga partido para sa kaayuhan sang ila banwa.
