ILOILO CITY– Igapasa sa komitiba ang imbestigasyon kag hulaton kun ano ang mangin desisyon sa mga ginapahayag equipment nga ginbakal sang Iloilo City Government nga ginalakipan sang LED wall kag sang large format printer sa idalom sang administrasyon ni Iloilo City Mayor Jose Espinosa III.
Sa interview sang Bombo Radyo kay incoming Mayor Jerry Treñas, iya ginpahayag nga indi man niya luyag nga pangunahan ang imbestigasyon sang komitiba tuhoy sa kontrobersyal nga kagamitan.
Suno kay Treñas, ang nasambit nga mga kagamitan ang indi man kinahanglanon gid sang syudad apang pagatan-awun niya ini.
Kun may yara man suno sa iya sang mga kagamitan nga wala pa nabayaran ini ang iya man pagapa-imbestigaran.
Pahayag ni Treñas nga si Espinosa lang ang makasabat sang tanan kag kun siya ginbakal ang nagbakal igabalik ini sa iya apang kun iya naman sang syudad nagakadapat nga imbestigaran ini.
Lakip man sa iya pagapa-imbestigaran suno kay Treñas amo ang dali-dali nga pag-isyu sang certificate kag
pag-award sang mga units nga ginhimo sang Iloilo City Urban Poor and Affairs Office (ECUPAO) sa Brgy. San Isidro
Jaro Iloilo City.
Nahibaluan nga una na ginpahayag ni Mayor Espinosa nga iya ang large format printer kag
ginpakaayo pa niya ini samtang gin-arkilahan naman ang LED wall.
