ILOILO CITY-– Wala sang ideya kag wala naka-eksperyensya si outgoing Iloilo City Lone District Congressman kag sa subong Mayor Elect Jerry Treñas sang tagtaganay sang kwarta sa Kamara agud magboto sa nagapapili bilang House Speaker.
Ini ang may kaangtanan man sa mga alegasyon ni Davao Del Norte Rep. Pantaleon Alvarez nga may yara sang tagtaganay sang kwarta kabaylo sang suporta kag boto para sa mga nagapapili bilang House Speaker.// Sa interview sang Bombo Radyo kay Treñas, iya ginpahayag nga sa iya pagpungko bilang kongresista wala siya sang may nadumduman nga pagbinaydanay sa tion sang pagpili ukon pagboto kun sin-o ang magapungko bilang house speaker.
Ang nahibaluan lang niya suno kay Treñas amo nga ang mga partido ang nagapatawag sang ila tagsa ka mga miyembro agud istoryahan ang ila mangin desisyon sa pagbinotohay.
