Bawion sang bag-o nga administrasyon ni Iloilo City Mayor-elect Jerry Treñas ang tanan nga mga salakyan nga ginhatag ni outgoing Mayor Jose Espinosa III sa nagkalain-lain nga mga ahensya sang gobyerno.
Sa interview sang Bombo Radyo Iloilo kay Mayor-elect Treñas, iya ginpahayag nga nagpinagusto lang si Espinosa sa pagbakal sang nasambit nga mga salakyan nga ginpanginpuslan lang sang tion sang kampanya kag gindali-dali panagtag ni Espinosa.
Suno kay Treñas, maathag nga pag-abuso sa pondo sang banwa ang ginhimo sang alkalde.
Ginpahayag pa sang kongresista nga magluwas sa mga salakyan, iya paimbestigaran ang pagbakal pa gid sang Syudad sang drone nga nagabalor 850K, computer set nga nagabalor P100k, tarpaulin machine,LED wall kag iban pa nga mga equipment nga ginapahayag lunsay overpriced kag gin-gamit lang ni Espinosa sa pamulitika.
