Iloilo City Mayor Jose Espinosa III
ILOILO CITY – Gin-athag ni Iloilo City Mayor Jose Espinosa III nga kwarta sang syudad ang gingamit sa paghimu sang lamesa nga ginpanghatag sa mga manugbaligya sa Iloilo Terminal Market.
Sa interview sang Bombo Radyo kay Mayor Espinosa, iya ginpahayag nga kwarta sang syudad ang gingamit sa pagpahimu kag ang nasambit nga lamesa ang ginpanag-iyahan mismo sang syudad.
Pahayag pa ni Espinosa, 100 ka lamesa ang ginhatag sa mga manugbaligya sa nasambit nga merkado.
Ginpahayag pa sang alkalde, subong lamang niya nahatag ang mga lamesa bangud nga ulihi lang niya nahibaluan nga may yara sang nagapangilkil sa mga nagabaligya sang merkado.
Katungdanan man niya bilang alkalde nga hatagan sang pagtamud ang mga problema sa syudad ilabi na sa mga merkado publiko.
Gin-athag man sang natungdan nga indi niya personal nga kwarta ang gingamit sa pagpahimu sang mga lamesa kasubong sa nauna niya nga ginbuy-an nga pahayag.
Yari pamati-an ang nauna nga pahayag ni Mayor Espinosa:
Samtang, yari naman ang pagbawi sang alkalde sa iya nauna nga pahayag:
