ILOILO CITY – Ginpanginwala ni Iloilo City Mayor Jose Espinosa III nga pamulitika ang rason sa pag-angot sini sa duha ka mga punong barangay sa Syudad sang Iloilo sa pagpangilkil sa mga vendors sa Iloilo Terminal Market (super).
Sa interview sang Bombo Radyo kay Espinosa, iya ginpanindugan ang akusasyon sini kanday Punong Baranga Allain Rey Depatillo sang Rizal Pala-Pala Zone 1 kag Punong Barangay Noel Soliman sang Rizal Pala-Pala Zone 2.
Suno kay Espinosa, nagakadapat nga arkabala lang ang bayaran sang mga vendors kag indi na magrenta sa mga pwesto sa merkado.
Nahibaluan nga gin akusaran ni Espinosa nga nagapangwarta ang mga punong barangay sa mga vendors pinaagi sa pagpabayad sa ila mga gamit nga ginapaarkilahan sa gwa sang merkado.
Ginlaragway naman ni Espinosa ang ginahimo nga tikang sang mga punong barangay bilang extortion.
