ILOILO CITY – Nakadesisyon na si Mayor Jose Espinosa III para sa padalaganan nga posisyon sa 2019 elections.
Suno sa alkalde, bug-os na ang iya pamat-od nga indi siya magpadalagan bilang congressman kag magapabilin ini bilang alkalde sang siyudad.
Indi siya angayan suno sa alkalde nga mangin congressman tungod para lang ini sa mga maalam nga tawo.
Siya suno kay Espinosa nagakabit-kabit lang sa grado nga 77 sa iya pagkuha sang BAR examinations.
Nagalaum naman si Congressman Jerry Treñas nga nagalahug lang ang iya bilas nga si Mayor Jose Espinosa III sang ginpahayag sini nga indi siya angayan sa posisyon sang pagka-congressman tungod para lang ini sa maalam.
Sa interview sang Bombo Radyo, ginpahayag ni Treñas nga indi lang ang congressman ang nagakinahanglan sang utok kundi pati man ang pagka-alkalde sang siyudad.
Daku nga siyudad ang Iloilo suno sa mamalidha kag daku man nga katungdanan ang pagdumala diri.
Kinahanglan suno kay Treñas nga maintyindihan sang lubos sang isa ka opisyal ang iya katungdanan agud epektibo nga makapangalagad sa mga pumuluyo.