ILOILO CITY – Wala nakatambong si Iloilo City Mayor Jose Espinosa III lakip na ang iya mga kaalyado nga mga department heads kag elected officials sa ginpatigayon nga Flag Raising Ceremony sang Iloilo City Government kahapon nga adlaw.
Indi kasubong sang kinaadan, nangin malip-ot kag simple lang ang ginpatigayon nga Flag Raising Ceremony.
Ginapahayag nga ni Vice Mayor Jeffrey Ganzon ang nagpanguna sa Monday Group Meeting sang mga opsiyal kag mga empleyado sang Iloilo City Govovernment.
Suno kay Leo Elevencione, pinuno sang Human Resource Management Office sa Iloilo City Govenrment, naka on-leave si Mayor Espinosa rason nga wala siya nakatambong sa Flag Raising Ceremony.
Kun may magpasa gid man suno kay Elevencione, nagakadapat nga ang resignation letter ang direkta nga ipasa kay Mayor Espinosa kag indi sa HRMO.
Kadungan sini, gin-athag ni Elevencione nga wala pa sang bisan isa sa mga department heads ukon empleyado sang Iloilo
City Government nga nakapasa sang ila resignation letter.
Ang nasambit nga pahayag ni Elevencione ang may kaangtanan sa nauna nga pahayag ni Iloilo City Congressman kag subong Mayor-elect Jerry Treñas nga kinahanglan na nga magmato-mato sa pag-resign ang mga department heads kag empelyado nga naulamid sa imoralidad kag nagbulig sa pagpangampanya sa kandidatura ni Mayor Espinosa gamit ang ‘resources’ sang syudad.
Kun indi sila maghalin sa pwesto suno kay Treñas, magapasaka siya sang nagakaigo nga kaso.
Ang nasambit nga pahayag ni Treñas ang gilayon naman nga ginpanginwala ni Mayor Espinosa.
Yari ang nauna nga pahayag ni Cong. Treñas:
Yari ang sabat ni Mayor Espinosa:
