Iloilo City Lone District Congressman Jerry Treñas. and Iloilo City Mayor Jose Espinosa II
ILOILO CITY – Gintawag ni Iloilo City Mayor Jose Espinosa III nga lawlaw nga sahi sang akusasyon ang ginahaboy sa iya sang bilas nga si Iloilo City Lone District Congressman Jerry Treñas.
Ini ang may kaangtanan sa nauna nga pahayag ni Cong. Treñas nga ginahatagan ni Mayor Espinosa sang P500 nga buffet breakfast ang pila ka mga empleyado sang Iloilo City Hall kaupod ang mga Department Heads sa diin ang kwarta ang gikan sa kaban sang gobyerno.
Sa interview sang Bombo Radyo kay Mayor Espinosa, iya ginpahayag nga mga wala sang pulos ang ginapato-patu ni Cong. Treñas batok sa iya.
Suno kay Mayor Espinosa, iya nga ginabaton ang mga akusayson sang bilas batok sa iya apang kun siya naman ang magbalos, kasubong nga nagapangakig ukon nagapaluoyluoy ang mamalidha.
Kun tani suno sa alkalde, dapat nga sabton ni Treñas kun nga-a wala niya gintuman ang promisa nga indi na magbalik liwat sa pulitika.
Dapat man nga sabton sang mamalidha kun nga-a iya nga ginsugo ang mga kaalyado nga pulitiko nga indi magtambong sa session
agud nga ipaidalom sa State of Calamity ang syudad sang Iloilo bangud sa kakulang sa supply sang tubig.
Una na nga ginpahayag ni Cong. Treñas nga lunsay lamang kaon kag kinanta ang trabaho sang mga empleyado sang Iloilo City Hall indi kasubong Office of the Congressman nga iya gid nga ginasapol ang mga empleyado agud nga istoryahan ang mga palaabuton nga programa para sa syudad.
Yari ang nauna nga pahayag ni Cong. Treñas:
Samtang, yari naman ang sabat ni Mayor Espinosa:
