PAVIA, ILOILO – Ginabasol ni Pavia, Iloilo Mayor Luigi Gorriceta sa mga barangay official nga wala nagabulig rason nga nakakuha sang low compliance nga rating sa Oplan Hawan ang nasambit nga banwa.
Sa interview sang Bombo Radyo kay Gorriceta, iya ginpahayag nga tubtub subong, may mga commercial establishment, barangay hall ukon barangay tanod pa sa gihapon nga wala naguba bangud nga wala sang may masayluhan.
Suno kay Gorriceta, mabudlay para sa isa ka local chief executive nga mapatuman ang road clearing operations kun wala nagabulig ang mga barangay official.
Ginhingadlan man ni Gorriceta ang mga barangay nga may madamo nga osbtruction sa dalan.
Ini ang ginalakipan sang Aganan, Balabag, Pandac kag Hibao-an.
